CABINET OF MIRACLES huwa vjaġġ teatrali ispirat minn Orbis Pictus ta’ Jan Amos Comenius, li joffri introduzzjoni immaġinattiva għall-ħajja fuq il-pjaneta Dinja. Issettjat ġewwa armarju li jfakkar f’kollezzjonijiet antiki ta’ oġġetti kurjużi, l-atturi jiżvelaw artefatti u mumenti maġiċi li jagħtu l-ħajja lill-għeġubijiet tan-natura, l-innovazzjoni umana, u d-dinja ta’ madwarna. Permezz ta’ dawn l-iskoperti, it-tfal huma mistiedna jkunu xhieda tal-akbar u l-aqwa miraklu: id-Dinja nnifisha.