CHASING RAINBOWS huwa vjaġġ immersiv li jistieden lit-trabi u t-tfal żgħar għal avventura biex jiskopru l-maġija tal-kuluri permezz ta’ ktieb enormi u interattiv. L-istorja ssegwi lil Georgie, persuna li ma titkellimx, li tesperjenza d-dinja f’kuluri vivaċi, u lil Ryan, esploratur enerġetiku u naqra mqareb. Flimkien, jiskopru ktieb b’paġni suwed u bojod, li jixbah tapit bin-noti tal-pjanu li jistgħu jindaqqu. Hekk kif jinqelbu l-paġni, d-dinja tinbidel f’kalejdoskopju ta’ kuluri, li joffru mumenti ġodda u eċċitanti f’din il-produzzjoni teatrali unika, maħluqa apposta għall-iżgħar membri tal-udjenza tagħna.