Splish, splash, splosh! Ingħaqad magħna fuq vjaġġ tal-ilma f’dinja fiżika mgħaddsa, imdawra b’oġġetti li jintefħu kkuluriti. Ambjentat fuq pjaneta niexfa, l-artisti tagħna jfittxu l-ħolma ‘hydro’ u jitgħallmu l-importanza ta’ dak li kien hemm darba. Fih, fuqu, barra minnu. Nisserfjaw, ngħumu, ngħoddsu, nibqgħu f’wiċċ l-ilma, nixorbu, nixxenqu għal-ilma mill-baħar u mis-sema għal din il-komodità prezzjuża. Kulma għandhom fil-poter tagħhom hija l-immaġinazzjoni akkwatika tagħhom. L-għan tal-produzzjoni H2O Water Magnifico, taħt id-direzzjoni ta’ Douglas Comley b’kollaborazzjoni ma’ Opening Doors Association, hu li tinteraġġixxi ma’ udjenza ta’ età żgħira, filwaqt li tippromwovi wkoll id-diversità u l-inklussività permezz tal-arti.